មើលសាប៊ូលាងមុខម៉េចបានដឹងវាអត់ធ្វើអោយមុខស្ងួតខ្លាំង ?

ខ្ញុំរមែងតែងតែនិយាយពាក្យ Surfactants ( suh·fak·tnts ) រាល់ពេលខ្ញុំ Review ពីសាប៊ូលាងមុខ ដូចនេះ ថ្ងៃនេះ ខ្ញុំបកស្រាយពីសារធាតុនេះ អោយច្បាស់ ដើម្បីងាយសំរាប់អ្នកទាំងអស់គ្នាយល់ ។

អ្វីទៅជា Surfactants ( suh·fak·tnts ) ?

បើនិយាយក្នុងផលិតផល Skin care វា ជាសមាសធាតុចម្បងនៃការលាងសម្អាតទាំងខ្លួន មុខ និង សក់ ដូចជា

• សាប៊ូលាងមុខ ( Foam, Gel, Bubble …)
• សាប៊ូដុំ Soaps
• ក្រមួនលាងមុខ Cleansing balms
• ប្រេងលាងមុខ Cleansing oils
• ទឹកជូតសំអាតមុខ micellar water
• សាប៊ូកក់សក់ និង ក្រែមបន្ទន់សក់

ប៉ុន្តែមិនមែនអោយតែ Surfactants គឺប្រើសំរាប់លាងសំអាត ( Detergents ) ទេ ព្រោះបើអ្នកទាំងអស់គ្នាសង្កេតអោយច្បាស់ Surfactants មានទាំងក្នុង Toner, Serum, Moisturizer និង ផលិតផលផ្សេងទៀត​ផងដែរ ព្រោះក្រៅពីមុខងារលាងសំអាតវាមានមុខងារផ្សេងទៀតដូចជា

• Emulsifiers : ធ្វើអោយសារធាតុខ្លាញ់ និង ទឹកនៅជាមួយគ្នាស្មើសាច់ ( ប្តូរសាច់ផលិតផលខាប់ជាង Solubility )
• Viscosity Controlling : ធ្វើអោយផលិតផលរាវ ឬ ខាប់ជាងមុន ( គោលបំណងស្រួលលាប )
• Solubility : ជួយអោយសារធាតុនោះរលាយក្នុងខ្លាញ់ ឬ ក្នុងទឹក ( ភាគច្រើនអត់ដូរសាច់ផលិតផលទេ រឺ អាចដូរដែរតែក្នុងកំរិតទាប អាចខាប់តិច ដូច Toner, Serum, Lotion )
• Foaming agents : ធ្វើអោយមានពពុះ

តើវាធ្វើការយ៉ាងដូចម្តេច ?

Surfactants = surface active agent ដែលវាមានម៉ូលេគុលដូចពស់ គឺ មានកន្ទុយ hydrophobic (ស្អប់ទឹក = ចូលចិត្តខ្លាញ់ ) និងក្បាល hydrophilic (ចូលចិត្តទឹក) ។  នៅពេលដែលយើងប្រើវាជាសារធាតុលាងសំអាតដូចជា សាប៊ូ ពេលដែលយើងប្រើវាលើមុខ នោះ ផ្នែកកន្ទុយដែលចូលចិត្តខ្លាញ់ និង ចាប់យកសារធាតុខ្លាញ់ ធូលី ដី ផលិតផល Makeup ញើស ដែលមានលើមុខ រួចពេលដែលយើងប្រើទឹកលាងចេញ នោះក្បាលម៉ូលេគុលផ្នែកចូលចិត្តទឹក នឹងអូសទាញចេញដោយទឹក ដែលវាទាញទាំងផ្នែកកន្ទុយដែលភ្ជាប់ជាមួយនឹងសារធាតុខ្លាញ់ ធូលី ដី ផលិតផល Makeup ញើសអោយចេញពីផ្ទៃមុខ នេះជាមូលហេតុដែលសាប៊ូលាងមុខអាចលាងសំអាតមុខបាន ។

ហេតុអ្វីសាប៊ូអាចធ្វើអោយស្បែកយើងស្ងួតខ្លាំង ?

ស្រទាប់ខាងក្រៅនៃស្បែករបស់យើង គឺជាស្រទាប់ stratum corneum = SC = Skin barriers = រនាំងការពារស្បែក ដែលជាបណ្តុំ កោសិកាស្បែក keratinocyte ដែលសំបូរទៅដោយប្រូតេអ៊ីន + សារធាតុគីមីភ្ជាប់ទឹក ( Natural Moisturizing Facto = NMF) ហើយ កោសិកាស្បែកនេះ ជាប់គ្នាដោយល្បាយ Ceramides + Free fatty acids + Cholesterol ( សារធាតុខ្លាញ់ ) ។
វាមើលទៅដូចជាជញ្ជាំងឥដ្ឋដែលមានកោសិកាកោសិកាស្បែកនិងរបាយខ្លាញ់ ។
យើងដឹងហើយថា Surfactants គឺចាប់យកខ្លាញ់ចេញពីមុខ ដូចនេះ វាអត់អាចចែកដាច់ថា តើសារធាតុមួយណាជា សារធាតុខ្លាញ់ ធូលី ដី Makeup ដែលត្រូវទាញចេញទេ ដូចនេះ ក្នុងពេលតែមួយវា វានឹងទាញចេញ Cholesterol proteins and NMF ដែរជាសារធាតុដ៏សំខាន់នៃរនាំងការពារស្បែក ដែលនាំអោយរនាំងការពារស្បែកធ្លុះធ្លាយ និង ខូច ដែលនាំអោយស្បែក : ក្លាយជាស្ងួត ( ស្បែកខ្វះជាតិទឹក ) ឬ ក្លាយជាងាយប្រតិកម្មក្លែងក្លាយ ។

តើធ្វើដូចម្តេចដើម្បីជ្រើសរើសសាប៊ូលាងមុខដែលល្អ ?

សាប៊ូលាងមុខដែលល្អ គឺ អាចលាងជំរះមុខបានស្អាតល្អ និង មិនបំផ្លាញរនាំងការពារស្បែក ។
ជ្រើសរើសសេរ៉ូមគេមើលទៅលើ សារធាតសកម្ម ជាគោល តែសំរាប់សាប៊ូលាងមុខ គឺ គេមើលទៅលើ 3 ចំនុច :

• ប្រភេទ Surfactants ដែល Gentle
• កំរិត pH នៃសាប៊ូលាងមុខ ( ប្រហែល pH នៃស្បែក ជាធម្មតាចន្លោះ 5.5-6 )
• មានបន្ថែមសារធាតុផ្តល់សំណើម ( glycerin, sorbitol, Hyaluronic acid, Ceramides…… ) និង ប្រេង ( sunflower oil, mineral oil, stearic acid, Cholesterol, Squalane……. )

វិធីជ្រើសរើស Surfactants  ?
បើនិយាយជារួម វាមាន 4 ក្រុមធំៗ គឺ :

• Anionic Surfactants : សំបូរក្នុងសាប៊ូបោកខោអាវ សាប៊ូលាងចាន សាប៊ូដុះខ្លួន សាប៊ូកក់សក់ និង ថ្នាំដុសធ្មេញជាដើម ។
• Nonionic Surfactants : ក្នុងផលិតផលធ្វើអោយភ្លឺដូចជា ទឺកជូតការ៉ូ ផលិតផលធ្វើអោយមានក្លិន និង ជួនកាលផលិតផលបរិភោគផងដែរ
• Cationic Surfactants : វាមានសម្មត្ថភាពជ្រាបចូលស្រទាប់បាក់តេរី និង វីរុស ដូចនេះ ច្រើនប្រើក្នុងសាប៊ូលាងដៃ សាប៊ូកំចាត់មេរោគ និង ផ្សិតជាដើម ។
• Amphoteric Surfactants : វាជួយសំងួតលឿន ដូចនេះ គេច្រើនប្រើវាក្នុងថ្នាំលាប និង ផលិតផលធ្វើពី latex ។

សុំទោសដែលខ្ញុំសុំមិនបែកស្រាយចំនុចនេះ ព្រោះវាទាក់ទងជ្រៅនឹងសារធាតុគីមីច្រើន ដែរពិបាកនឹងពន្យល់ ។ ប្រសិនបើអ្នកទាំងអស់គ្នាចង់យល់លំអិតពីចំនុចនេះអាចអានបាននៅទីនេះ :
Cleansers 101 – Selecting the Right Surfactant
Are There Different Types of Surfactants?

ប្រភេទដែលអ្នកគួរជៀស

• “sodium XXate” – sodium laurate, sodium cocoate, sodium tallowate)
• sodium lauryl sulfate (aka SLS)

Sodium tallowate
Sodium cocoate
Sodium palm kernelate
Sodium palate or palmitate
Sodium dodecylbenzene sulfonate

ប្រភេទដែលអ្នកគួរប្រើ

• sodium laureth sulfate (SLES), ជាពិសេសបើវាលាយជាមួយនឹង cocoamidopropyl betaine (CAPB)
• sodium cocoyl isethionate
• alkyl sulfosuccinates (“XX succinate” )
• alkyl sarcosinates

Cocamidopropyl betaine ( CAPB )
Disodium cocamphodiacetate
Ammonium laurel isenthionate or sarcosinate
Laurie acid diethenolamine (lauramide DEA)
Caprylic acid
Sodium cocoyl glutamate
Polysorbate 85
Polysorbate 60
polysorbate 20
Polyglyceryl-3 rice branate
Sodium lauroyl oat amino acids

ចុះ Surfactants  ផ្សេងទៀតដែររកអត់ឃើញក្នុង List នេះ ?

ចំពោះខ្ញុំ អោយតែសារធាតុទាំងនោះមិនស្ថិតក្នុងឈ្មោះប្រភេទគួរជៀសវាង ខ្ញុំចាត់ទុកវាថា Gentle គ្រប់គ្រាន់ ឬ អ្នកទាំងអស់គ្នាអាចឆែកសារធាតុនោះទីនេះ Cleansing-agents Rating ព្រោះជាទូទៅសាប៊ូលាងមុខមួយ គឺមាន Surfactants មិនក្រោម 2 មុខទេ ។ ម៉្យាងវិញទៀត អ្នកអាចរៀនតិចនិចមួយចំនួនបន្ថែមក្នុងការលាងមុខ ដើម្បីការពារស្បែកកុំអោយស្ងួតខ្លាំងដូចជា

• លាងមួយមុខមួយថ្ងៃ 1-2 ដង ( ត្រឹមលាងដោយទឹកធម្មតាពេលព្រឹក ឬ ប្រើ សាប៊ូលាងមុខសំរាប់អ្នកស្បែកស្ងួតសំរាប់លាងពេលព្រឹក )
• បន្ថយបរិមាណសាប៊ូ ( ជាទូទៅ បើដបមានក្បាលចុច គឺ មួយ Pump គឺគ្រប់គ្រាន់ តែបើអត់មានក្បាលចុច គឺ រៀនស្មាន )
• រយៈពេលលាងមុខ គឺ ក្រោម 1 នាទី ហើយប្រសិនបើអ្នកមានស្បែកស្ងួត គឺ ក្រោម 30 វិនាទី
• ប្រើទឹកធម្មតា ( ត្រជាក់ ) ជាជាងការប្រើទឹកក្តៅ ព្រោះទឹកក្តៅធ្វើអោយមុខស្ងួត និង អាការៈក្រហមរឹតតែយ៉ាប់លើសដើម
• លាបផលិតផលផ្តល់សំនើមភ្លាមៗក្រោយលាងមុខរួច

សាប៊ូលាងមុខដែលខ្ញុំចូលចិត្ត : ( ធ្លាប់ប្រើ និង ទិញប្រើលើសពី 2 ដង )

សំរាប់ស្បែកខ្លាញ់

• Cerave Foaming Facial Cleanser
• Heimish All Clean Green Foam

សំរាប់ស្បែកស្ងួត

• Cerave Hydrating Facial Cleanser
• Neutrogena ultra gentle daily cleanser

សំរាប់សាប៊ូកក់សក់

កាត់ខ្លាញ់ខ្លាំង ( ប្រើ 1-2 ដងក្នុងមួយអាទិត្យ )

• sodium lauryl sulfate (sodium dodecyl sulfate, SLS, or SDS)
• sodium laureth sulfate (sodium lauryl ether sulfate or SLES)
• Sodium C14-16 olefin sulfonate
• sodium methyl 2-sulfolaurate
• Disodium 2-sulfolaurate

កាត់ខ្លាញ់មធ្យម ( ប្រើ 2-3 ដងក្នុងមួយអាទិត្យ )

• laureth-5 carboxylic acid
• Sodium methyl cocoyl taurate
• Sodium lauryl glucose carboxylate
• Sodium Lauroyl Glutamate
• Sodium lauroyl sarcosinate
• Sodium lauryl sulfoacetate
• Disodium Lauryl Sulfosuccinate
• Sodium Lauroyl Methyl Isethionate
• sodium cocoyl isethionate
• Sodium Lauroyl Isethionate

កាត់ខ្លាញ់តិច ( អាចប្រើបានរាល់ថ្ងៃ )

• cocamidopropyl betaine
• Coco betaine
• Cocamide MEA, or cocamide monoethanolamine
• Coco-Glucoside
• Cocoyl Methyl Glucamide
• Lauryl glucoside

ឯកសារយោង :

• selection-guide-cleansing-hair-and-skin
• Cleansing Formulations That Respect Skin Barrier Integrity
• Cleansing without compromise: the impact of cleansers on the skin barrier and the technology of mild cleansing
• The concept of the acid mantle of the skin: its relevance for the choice of skin cleansers
• Recommendations from a European Roundtable Meeting on Best Practice Healthy Infant Skin Care
• Role of pH in skin cleansing

សង្ឃឹមថា អត្ថបទនេះ ជួយអ្នកទាំងអស់គ្នាក្នុងការជ្រើសរើសសាប៊ូលាងមុខ និង សាប៊ូកក់សក់ងាយជាងមុន ។